Ferðapakki.
PakkarHjálpSpurningarStuddir símar
Forsíða/Skilmálar og kjör

Skilmálar og kjör

Síðast uppfært: 01.11.2026

Efnisyfirlit

1. Gildissvið og aðilar

Skilmálar þessir gilda um öll kaup neytenda á stafrænum eSIM gagnapökkum í gegnum vefsvæðið ferdapakki.is og Ferðapakka appið („Ferðapakki.is“, „við“, „okkur“).

Með því að versla á ferdapakki.is eða í Ferðapakka appinu staðfestir þú að þú hafir kynnt þér skilmála þessa og samþykktir þá.

2. Lýsing á þjónustu

Ferðapakki.is selur eingöngu eSIM gagnapakka (data plans). Þjónustan felst í stafrænum aðgangi að gagnanotkun á farsímaneti í tilteknum löndum/svæðum, samkvæmt þeirri vöru sem valin er í kaupferli.

3. Skilyrði notkunar

Viðskiptavinur ber ábyrgð á:

  • að tæki styðji eSIM og sé óháð/ólæst ef við á,
  • að fylgja leiðbeiningum um uppsetningu,
  • að varðveita afhent gögn (t.d. QR-kóða) sem trúnaðarmál.

Virkjun: Gildistími ferðapakka hefst þegar eSIM tengist í fyrsta sinn farsímaneti á svæði sem pakkinn gildir á. Uppsetning eSIM ein og sér byrjar ekki gildistímann. Þetta gildir bæði um kaup á vefnum og í appinu. Sé viðbótargagnamagn keypt sem nýr pakki á sama eSIM hefst gildistími þess þegar því er bætt við. Gildistími eldri gagna breytist ekki. Gildistími og upphaf hans koma fram í kaupferlinu.

4. Pöntun og afhending

Afhending er stafræn og tafarlaus og fer fram strax eftir að greiðsla hefur verið samþykkt, með sendingu á gögnum/leiðbeiningum á uppgefið netfang.

Þú berð ábyrgð á að netfang sé rétt og að skoða ruslpóst/óæskilegan póst ef póstur berst ekki.

Við kaup í Ferðapakka appinu birtast eSIM og uppsetningarleiðbeiningar í appinu eftir að greiðsla og afgreiðsla pöntunar hafa gengið í gegn. Hægt er að nota sama eSIM fyrir síðari kaup í appinu; ekki þarf að setja það upp aftur.

5. Verð og greiðslur

Öll verð eru í íslenskum krónum (ISK) og innihalda virðisaukaskatt, nema annað sé sérstaklega tekið fram.

Greiðslur fara í gegnum örugga greiðsluþjónustu vottaðs greiðslumiðlara (Rapyd). Við geymum ekki kortaupplýsingar.

6. Ótakmarkaðir pakkar

Sumir pakkar eru markaðssettir sem „ótakmarkaðir“. Viðskiptavinur samþykkir að:

  • Ótakmarkaðir pakkar innihalda daglegan kvóta (nú 5 GB á dag, þar af fyrstu 2 GB á fullum hraða); umfram háhraðahlutann lækkar hraðinn í þrepum út daginn og allt endurnýjast daglega.
  • „Ótakmarkaður“ þýðir því ekki ótakmarkaðan háhraða allan gildistíma pakkans.
  • Fjarskiptanet/rekstraraðilar í viðkomandi landi geta beitt reglum um sanngjarna notkun (Fair Usage Policy) til að stýra álagi á neti og tryggja sanngjarna dreifingu bandvíddar.
  • Ef notkun fer yfir það sem viðkomandi net telur sanngjarnt getur netið lækkað hraða tímabundið.
  • Netdeiling (hotspot) getur verið takmörkuð eða óvirk í sumum ótakmörkuðum pökkum.

7. Endurgreiðslur

7.1 Stafræn vara og tafarlaus afhending

Þar sem um er að ræða stafræna vöru sem er afhent samstundis er almennt ekki hægt að „skila“ vörunni. Með því að ljúka kaupum óskar þú eftir því að afhending hefjist strax.

7.2 Kaup eru endanleg

Öll kaup eru endanleg. Rangt val (t.d. rangt land) veitir almennt ekki rétt til endurgreiðslu.

7.3 Endurgreiðsla í undantekningartilvikum (14 dagar)

Við getum veitt endurgreiðslu innan 14 daga ef vandamál er rakið til okkar, enda hafi eSIM ekki verið notað.

8. Netþekja og ábyrgð

Ferðapakki.is er í samstarfi við alþjóðlega birgja. Við berum ekki ábyrgð á:

  • truflunum eða þekju á neti fjarskiptaaðila þriðja aðila,
  • staðbundnum takmörkunum eða tæknilegum forsendum.

9. Þjónusta og kvartanir

Fyrir aðstoð, kvartanir eða beiðni um endurgreiðslu skal senda tölvupóst á ferdapakki@ferdapakki.is.

10. Persónuvernd

Við vinnum nauðsynlegar persónuupplýsingar til að afgreiða pantanir í samræmi við persónuverndarlöggjöf. Sjá persónuverndarstefnu fyrir nánari upplýsingar.

11. Breytingar

Við áskiljum okkur rétt til að uppfæra skilmála þessa. Uppfærslur taka gildi við birtingu á vefsvæðinu.

12. Lög og ágreiningur

Íslensk lög gilda um skilmála þessa. Ágreiningsmál skulu rekin fyrir Héraðsdómi Reykjavíkur.

Ferðapakki.

Farsímagögn fyrir ferðina.

support@ferdapakki.is

Finndu það sem þig vantar

GagnapakkarStuddir símarAlgengar spurningar

Hjálp og upplýsingar

Uppsetning og aðstoðSkilmálarPersónuvernd
© 2026 Ferðapakki · Aiva ehf.ferdapakki.is